十兄弟車仔麵 (已結業)

終於到我攞身分證喇！路過灣仔，見到新開嘅車仔麵店，門口大大個字寫住新張優惠～加$9歎紅燒鮑魚同友人一人一碗麵，兩款都勁大碗😍，而湯底就有四種選擇：清湯、腩汁、滷水汁和咖喱汁。我呢碗係招牌八寶麵，我揀咗腩汁湯底，有蘿蔔、辣魚蛋、雲耳、牛坑腩、大腸、粟米、豬皮、豬紅，材料豐盛又新鮮，牛坑腩炆得夠淋入味，加上招牌秘製辣汁，香辣又惹味，自家製辣菜脯都非常有特色，香辣味突出，辣得勁過癮！粉麵底亦多達九種選擇，連好少見嘅波菜麵和鮮製油麵都有😍所有材料價錢都係介乎係$9至$15性價比極高🙌🏻可惜太夜，鮑魚已經賣晒，下次早啲先。