Mango Tree Kitchen (太古城中心) (已結業)

入到餐廳，感覺舒適乾淨叫左$68 燒鴨米紙卷，$148黄咖哩炒大蜆,$98蝦膏炒飯，$12 白飯裡面既料好乾，感覺係卷左好耐放係雪櫃雪到乾晒，裡面得非常少既鴨肉，一d肉香都無，靠個泰國蠔油汁同醋提味，呢個非常一般。蝦膏炒飯，蝦膏味唔算香，飯面既係蠟腸，味道似台灣腸，蝶邊配料有甜豬肉，芒果絲，蔥，撈埋飯好惹味。仲有兩塊蝦片，炸得幾好，唔油。呢個黄咖哩超好味，一 d都唔辣，不過亦唔算太多香料味，個汁太正，專登再叫個白飯撈汁蜆係大隻，但d肉好細粒，我要千辛萬苦撥開d 汁先見到粒蜆肉。而且應該係分開拖熟左先放落黄咖哩都煮，因為個汁一d海鮮味都無。本人都幾鐘意食泰國野，因為鐘意d香料味，香茅呀，黄薑南薑都係至愛。不過呢間係咪調較番適合香港人既口味呢？菜式上香料味不重，欠缺泰菜特式。加埋一，2人大約三百幾蚊，性價比ok既。食既其間都好多人排隊，今次食既野唔算話好驚喜，不過餐牌都好多野選擇，或者其他菜式唔錯啦。