曼谷泰菜 (已結業)

由於銅鑼灣個間FULL左，所以我地昨晚去左天后呢間食。坐低佢就放低左1籃炸蝦片係枱面，d蝦片都ok好味，辣辣地又幾脆。由於我地諗住之後會去食甜品，所以我地只係叫左1個青咖哩雞、半打串燒(牛肉及豬肉)、蒜茸飽、咸魚炒芥蘭、咸蝦炒飯及芒果糯米飯。原本想食生蝦，但係佢地個度話而家天氣熱唔會入貨。d野食都ok，我阿哥就話好港式既泰菜喎，我就唔識分啦。個芒果糯米飯都幾好味，d青咖哩就唔辣，不過都ok，岩我d唔食得辣既人。