金太郎 (已結業)

香港人至鍾意食日本菜，小妹同家姐都係其中一份子，金太郎只係食過佐敦果間，今次見呢間就腳就試下！星期日夜晚唔算人多，好彩等左一陣就有位喇，仲係ORDER，侍應見到我地拿住好多野仲俾張我地放野，值得一讚！講返食物，叫左拉麵，壽司，前菜，小食，飲品，論正宗就一定唔夠喇，但味道合港人口味就無容置疑，拉麵有齊唔同配料，味道唔錯，小食田樂茄子更加好味，熱辣辣，而叫左既壽司都係新鮮製造，因為上時紫菜都仲係脆的（對我黎講既紫菜即等如唔新鮮！）仲有特式飲品都係水準之上，下次冇咩錢又想食日本菜都會再黎！金太郎有會員制，俾$20可以入會，食野有優惠，我地當然冇錯過啦！