銀座日本北海道刺身壽司 (已結業)

今日放假同屋企人路過見未食過就入左來試，其實本來喺門口見倒裝修信心已不大，但見佢話自己用靚挪威三文魚，所以抱住一試無防的心態入咗來。屋企人叫咗咖喱牛肉定食，來到卻是吉野家式的大碗蓋飯ˊ_>ˋ，牛肉切得比吉野家厚，份量都ok,算抵食，我叫咗鯖魚配湯烏冬，很正宗港式日本料理 金x郎的風格，一點都不日本的淡淡淡湯底，鯖魚是即燒的，外皮燒得不錯，三文魚腩令人失望，沒味嘅 也是很金x郎，但$58不太值，只有6片。不過有令人驚喜的，日式薯餅$30 好好食，紫色蕃薯加栗子粒，跟Suzuki cafe的一樣，但味道不會有過份調味太甜的感覺，淡口一點，幾抵食。服務員連入來講幾多位都搞錯，掛住睇電視，可能悶咗好耐，有制服但超怪好似無著褲咁，也不主動添茶，要客人叫先會過來。