明寶石餐廳

營業中

休息中

明寶石餐廳，向街是落地大玻璃，比一般茶餐廳高貴些少。通常午飯時間都較多人等候，所以我和同事間中先去碰碰運氣，路過不太多人的話，我地才會食。今日人不算多，就決定食呢間 。我地好喜歡點雙拼套餐 (六款食物選二款)，套餐可選薯菜👉是炸薯角/ 白飯/ 茄汁意粉或沙律👉是加有沙律醬的罐頭什果，還有餐湯 (可選牛尾湯/ 羅宋湯或忌廉湯) 和餐包或蒜蓉包，冷/熱飲品一杯。🍞香軟的餐包熱辣辣上枱。🍞蒜蓉包烘烤的蒜香，雖然留在口腔揮之不去的重口味有點抗拒，但經過烤焗的蒜蓉，酥香惹味，所以誘惑多於嫌棄😄。今次我點了香煎靚豬扒和瑞士汁雞翼，同事就點了煙燻鴨胸肉和瑞士雞翼。🐖豬扒肥瘦適中，肉汁豐盛。🐓瑞士雞翼味道入味，咸甜適中。🦆煙燻鴨胸肉質彈嫩緊實。配搭一些蔬菜平衡肥膩感🤣。