七月餐室 (已結業)

去九龍灣見到有叫七月餐室嘅餐廳，menu上亦有各種各樣嘅晚餐小炒菜式，而且環境光鮮，就走入去試下。今次叫左4款小炒，包括韭黃蝦仁炒蛋、西蘭花炒斑片、椒鹽肉排及四川回鍋肉。先黎2碗老火靚例湯，係合掌瓜青紅蘿蔔煲豬骨，材料十足而且湯水鮮甜。韭黃蝦仁炒蛋嘅韭黃清爽，蛋就軟滑香濃，配上大大粒蝦仁送飯一流。西蘭花炒斑片有超多斑片，最緊要係好新鮮，厚身得黎又冇魚骨，西蘭花索左魚嘅鮮味好味道。椒鹽肉排有大量乾指天椒、椒鹽及胡椒炒，超級惹味，肉排又多且夠肉汁。四川回鍋肉同樣鑊氣十足，加上大量韭菜去抄，同回鍋肉好夾，令口感提升。飲埋玻璃樽裝可樂，依餐食得好飽。