影片
更多
2021-03-30
6828 瀏覽
三層高的 𝐌𝐫 & 𝐌𝐫𝐬 𝐅𝐨𝐱係2021年以全新面貌亮相~ 充滿藝術氣息，亦加入左唔少綠色植物，二樓嘅書櫃位打卡一流！估唔到環境靚之餘，食物都唔錯，擺盆非常精緻。𝒮𝓉𝒶𝓇𝓉𝑒𝓇𝓈▪️𝙁𝙤𝙞𝙚 𝙂𝙧𝙖𝙨 𝘿𝙚 𝘾𝙖𝙣𝙖𝙧𝙙 $178鵝肝醬非常軟滑！入口即化，鹹香同油脂香停留係口腔之中，香滑無腥味。配搭埋旁邊嘅mixed berries jam，果醬同無花果嘅甜味都令鵝肝嘅咸香更為突岀，兩者相輔相成。旁邊嘅多士 薄切脆身，加埋一齊食相當唔錯，油膩感亦唔會好高。▪️𝘾𝙝𝙖𝙧-𝙜𝙧𝙞𝙡𝙡𝙚𝙙 𝙤𝙘𝙩𝙤𝙥𝙪𝙨 $168好鍾意八爪魚嘅質地！彈牙唔韌，需要多番咀嚼，帶炭火燒烤香氣。配上酸酸甜甜嘅lemon foam同醃蘿蔔，相當清新開胃。同時亦有black risotto作點綴，份量小小 卻毫不馬虎，濃稠富墨汁香氣之餘，米飯帶咬口，保留左微硬嘅米芯。▪️𝙎𝙩𝙚𝙖𝙠 𝙩𝙖𝙧𝙩𝙖𝙧 𝙬𝙞𝙩𝙝 𝙗𝙤𝙣𝙚 𝙢𝙖𝙧𝙧𝙤𝙬 $178牛肉他他走清新路線，帶微酸，拌匀鵪鶉蛋後，口感更滑溜。食落一啲生牛肉嘅腥味都無。不過就有陣我唔太好、好似酸瓜嘅味。牛骨髓油脂豐盈，用上蔥蒜調味，輕輕一抹就融入麵包之中。牛肉他他嘅酸味
係2021年以全新面貌亮相~ 充滿藝術氣息，亦加入左唔少綠色植物，二樓嘅書櫃位打卡一流！估唔到環境靚之餘，食物都唔錯，擺盆非常精緻。
𝒮𝓉𝒶𝓇𝓉𝑒𝓇𝓈
▪️𝙁𝙤𝙞𝙚 𝙂𝙧𝙖𝙨 𝘿𝙚 𝘾𝙖𝙣𝙖𝙧𝙙 $178
鵝肝醬非常軟滑！入口即化，鹹香同油脂香停留係口腔之中，香滑無腥味。配搭埋旁邊嘅mixed berries jam，果醬同無花果嘅甜味都令鵝肝嘅咸香更為突岀，兩者相輔相成。旁邊嘅多士 薄切脆身，加埋一齊食相當唔錯，油膩感亦唔會好高。
▪️𝘾𝙝𝙖𝙧-𝙜𝙧𝙞𝙡𝙡𝙚𝙙 𝙤𝙘𝙩𝙤𝙥𝙪𝙨 $168
好鍾意八爪魚嘅質地！彈牙唔韌，需要多番咀嚼，帶炭火燒烤香氣。配上酸酸甜甜嘅lemon foam同醃蘿蔔，相當清新開胃。同時亦有black risotto作點綴，份量小小 卻毫不馬虎，濃稠富墨汁香氣之餘，米飯帶咬口，保留左微硬嘅米芯。
▪️𝙎𝙩𝙚𝙖𝙠 𝙩𝙖𝙧𝙩𝙖𝙧 𝙬𝙞𝙩𝙝 𝙗𝙤𝙣𝙚 𝙢𝙖𝙧𝙧𝙤𝙬 $178
牛肉他他走清新路線，帶微酸，拌匀鵪鶉蛋後，口感更滑溜。食落一啲生牛肉嘅腥味都無。不過就有陣我唔太好、好似酸瓜嘅味。牛骨髓油脂豐盈，用上蔥蒜調味，輕輕一抹就融入麵包之中。牛肉他他嘅酸味 與牛骨髓嘅油脂 相得益彰，油膩感比想像中嚟得低調。
ℳ𝒶𝒾𝓃
▪️𝙇𝙤𝙗𝙨𝙩𝙚𝙧 𝙧𝙞𝙘𝙚 $528
餐廳非常貼心！係上主菜之前，都會更換乾淨同暖笠笠嘅碟~
龍蝦飯超大一盆！係盆呀！至少有三人分量。原隻波士頓龍蝦大大隻，飽滿多肉，肉質彈牙，帶炭燒香氣。比起龍蝦，呀妹就更欣賞青口！真係比平時既嘅新鮮好多！帶淡淡海水香。
底下嘅米飯每粒都裏滿醬汁，濃稠程度同意大利飯相若，但米芯又唔會好似意大利飯咁硬，啖啖都係龍蝦味！當中滿佈青豆，增添左唔少口感，不過我同青豆真係做唔到朋友。
𝒟𝑒𝓈𝓈𝑒𝓇𝓉
▪️𝘽𝙖𝙠𝙚𝙙 𝘼𝙡𝙖𝙨𝙠𝙖 $138
打卡一流嘅甜品
外層嘅Swiss meringue堅挺有光澤，軟滑濃酒味。而蛋白霜入面就係花生香蕉雪糕，花生味突岀之餘，仲夾雜住香脆既花生粒，香蕉味反而較為低調。最底有一層朱古力餅底！香濃甜度低，剛好中和左蛋白霜既甜膩！口感同層次都比一般既火焰雪山豐富。
整體嚟講，夜晚嚟到相當有氣氛，估唔到打卡餐廳 菜式都幾有水準！亦有唔少cocktail、wine供選擇！好啱放工同朋友嚟食個飯飲杯野~ 不過定價就稍微高少少。
張貼
