串本屋 (已結業)

好多人都講佐敦渡船街好多隱世食店。今日就去咗佐敦嘅渡船街食好西。串本屋主要串燒為主打串燒方面有各款不同種類例如蔬菜類 有翠玉瓜粟米 等等 肉類方面阿豬牛雞羊 都有唔同嘅選擇海鮮有魚，蝦， 廣島蠔 元貝 等等。今次我叫咗翠玉瓜 虎蝦 雞翼 荔枝豚肉串 白鱔。串燒唔會有太多醬汁 ，而且又唔會燒得太乾，火燒既時間啱啱好， 而且串燒嘅味道唔錯。除咗串燒外餐廳提供一品料理，日式鍋物等等。一品料理方面我就叫咗個炒雜菜， 另外再叫咗個 雜錦烏冬鍋。兩個份量都唔少，炒雜菜唔會太多水 ，再加埋面頭嗰啲木魚碎 增添咗一點風味。雜錦烏冬鍋方面 ，烏冬好彈牙 配料方面 ，有冬菇天婦羅蝦紫菜 十分豐富。值得一提係 餸菜來之前 ，職員提供咗一個餐前小食 ~番茄加埋有少少 黑醋 ，令到你十分開胃食慾大增。餐廳嘅環境服務質素亦都十分良好 值得下次再嚟encore.。