大家樂 (已結業)

見倒有網友講糉，先醒起我都要講吓，雖然己經過時，但我都係覺得值得講吓。端午節前，朋友送咗張糉卷俾我，於是嚟呢度攞糉。端午節當日，應吓節食番隻糉啦。咸嘅冇乜特別，但係隻甜嘅就好特別啦。佢個名係叫做桂花紫米糉，成隻糉真係充滿糖桂花嘅香味，淡淡清香，小小甜味，食咗都唔覺膩，仲越食越想食添，可惜祇得一隻，仲要同家人分享添，唯有等第二年自己買番隻嚟食啦。嘻嘻！