芋圓圓 (已搬遷) 新店位置

今日返工叫左plum，一樣係生煎包（祥興記，都寫左食評～），另一樣就係呢間嘅芋圓（$28）。我叫左桂圓紅棗黑糖芋圓。收到時係冰涼涼的～打開見到滿滿嘅黑糖糖水。第一啖飲左個糖水先，好清涼而且清甜，適合夏天熱辣辣嘅天氣。之後再試下啲芋圓，都好彈牙，同平時不規則形狀嘅芋圓有啲唔同，呢個好大粒，係正立方體咁，有六至九粒（無特意數），所以食完都好飽肚，不過係略嫌味淡左少少，食唔出幾隻味嘅分別，似一舊舊粉咁。之後仲有兩粒龍眼，清清地都幾好。最後我仲飲晒啲糖水，涼涼地，好舒服～