影片
更多
2018-05-27
357 瀏覽
之前都有聽過西貢有一間好出名食all day breakfast同自製果醬的cafe，原來係佐敦都開左分店，又收到紅色炸彈，當然要約出黎接炸彈啦，實在太耐無齊腳見晒呢班嘈嘈閉既好姊妹，一定要搵一個可以坐得舒服，又唔會趕我地走既地方傾番夠本！西貢店我未曾去過，我見過相好似係有戶外位坐的，不過佐敦店都有個類似戶外的地方，但晚市唔多人，都會安排坐番餐廳內，同埋晚市都有min charge，我相信我地甘大食，唔擔心食唔夠min charge！由於放工個個都好肚餓，唔理三七廿一，叫住小食食住先！叫左個玫瑰果醬單骨雞翼、炸芝士條、白酒青口、黑松露溫泉蛋配麵包條，隊長就覺得炸芝士條最芝士條最好食，可能鍾意食芝士啦，佢又做到拉絲既效果，不過真係要趁熱食，D芝士「瓊」得好快；至於個特式少少既單骨雞翼，玫瑰果醬好淡，食唔到玫瑰味，只有淡淡的甜味，有點失望；白酒青口份量同個白酒汁一樣…唔算多，不過如果唔食得太重酒味既人就岩晒，因為佢唔重酒味，個汁無甘苦；麵包條就普通啦，而且呢道菜唔係太適合大伙兒，因為大家要點個黑松露溫泉蛋時都有點障礙，又驚一點條麵包條就彈晒D汁出黎，食到就住就住甘。只食小食，點可以滿足到我
西貢店我未曾去過，我見過相好似係有戶外位坐的，不過佐敦店都有個類似戶外的地方，但晚市唔多人，都會安排坐番餐廳內，同埋晚市都有min charge，我相信我地甘大食，唔擔心食唔夠min charge！
由於放工個個都好肚餓，唔理三七廿一，叫住小食食住先！叫左個玫瑰果醬單骨雞翼、炸芝士條、白酒青口、黑松露溫泉蛋配麵包條，隊長就覺得炸芝士條最芝士條最好食，可能鍾意食芝士啦，佢又做到拉絲既效果，不過真係要趁熱食，D芝士「瓊」得好快；至於個特式少少既單骨雞翼，玫瑰果醬好淡，食唔到玫瑰味，只有淡淡的甜味，有點失望；白酒青口份量同個白酒汁一樣…唔算多，不過如果唔食得太重酒味既人就岩晒，因為佢唔重酒味，個汁無甘苦；麵包條就普通啦，而且呢道菜唔係太適合大伙兒，因為大家要點個黑松露溫泉蛋時都有點障礙，又驚一點條麵包條就彈晒D汁出黎，食到就住就住甘。
只食小食，點可以滿足到我地5個大胃王既胃，一邊食小食，一邊點埋主菜，叫左個手撕豬肉沙律，無味既燒豬肉同沙律菜，配左個熱情果醬，甜味為主，不過都幾fresh；至於個黑松露野菌意大利飯、軟殼蟹意粉、蒜香腐乳炒意粉，其實軟殼蟹意粉最好食…不過隻軟殼蟹真係好un，我地5個人都唔知分唔分到每人一啖，意大利飯就好淡口，炒意粉就唔係好食到腐乳味，不過都幾辣，主菜就真係麻麻地。
雖然主菜就麻麻地，不過隊長推介佢既果醬茶，尤其是桂花雪梨茶，清甜潤喉，如果可以比多一壺熱水，等我自己沖，可以再減低個甜度，比多少少錢我都肯！我地最後都有叫埋九宮格多士、果醬雪糕窩夫，九宮格多士岩晒心多多既你，一次過可以試到佢地9款自家製果醬，就算唔好食/唔岩食，一都係舊仔啫~ 果醬雪糕窩夫我地揀左蘋果肉桂(可自選果醬)，窩夫就乾左少少，不過個果醬搭救，都OK！
我諗入西貢食下午茶個感覺會仲正！
張貼
