叁淥火鍋 (已結業)

呢間餐廳以前係做一人一鍋，最近轉型，新加左好多特色湯底，再加埋特色配菜，絕對感受到老闆用心經營。餐廳裝修帶有舊式香港情懷，座位闊落舒適，幾啱同屋企人黎食飯。🌟秘製泰國椰子雞煲（半隻）🌟店員即場開左兩個椰子，100%新鮮椰水加上枸杞紅棗浸熟既雞可以想像到係幾咁鮮甜！雞肉用左清遠雞，雞味比較濃而肉質較有咬口，好正👍個湯又甜又鮮，忍唔住飲左好多碗🌟牛魔皇🌟一碟入面有齊牛頸脊、牛舌、牛骨髓、牛柏葉，牛魔皇呢個名當之無愧，鍾意食牛必點😂🌟手打黑松露豚肉丸🌟黑松露味好出，肉丸肉質軟淋🌟新鮮魚卜🌟魚卜好大塊份量好多，而且好新鮮！不過好似唔太啱咁清既湯底，如果係雞煲底應該會勁正🌟田園菇菜拼盤🌟西洋菜、生菜、冬菇、金針菇、粟米，乜都有d，蔬菜拼盤好新鮮，都幾抵食除左打邊爐，仲叫左兩個香口小食試下🌟鬼馬雙星🌟油炸鬼上放上自製蝦滑，再加上蟹籽，多重口感🌟香煎黃金墨魚餅🌟用新鮮墨魚打成既墨魚餅，特別鮮