越南牛肉粉專門店 (已結業)

鰂魚涌附近都真係幾多嘢食，尤其是海光街海提街一帶， 呢排天氣比較熱。最啱就係食一啲比較清爽嘅食物，尤其是東南亞或者酸辣口味嘅嘢，就最啱喇，因為可以比較開胃吖嘛，所以就同同事去呢一間越南牛肉粉度試下食佢嘅越南湯河同撈檬。一入到去，已經提供一大兜芽菜同九層塔，作為開胃嘅前菜，其實就係畀你放入湯河入面，撈埋一齊食嘅，令到碗粉更加清爽。不過我就嗌咗一個香茅豬扒撈檬，凍食之餘仲可以配上一個酸汁，加埋啲青瓜絲同埋酸蘿蔔，再加埋大大塊嘅豬扒，其實都幾大碗，仲有啲生菜花生等等嘅配料，撈埋一齊食，非常好味。 而且檬粉嘅份量都唔少 ，都幾飽肚，不過我最欣賞嘅都係喺呢個香茅豬扒 ，有香茅味之餘，豬扒都唔會太乾，而且肉質都幾好 ，夾埋檬粉食真係好食。