越棧越式湯粉專門店 (新翠商場) (已結業)

一連4日假期，梗係要周圍行下街食下野，第一站就黎左呢度同媽媽食lunch，難得公眾假期唔洗等位，good!我叫左札肉湯檸($42)，媽媽叫左特別牛湯檸($50)，兩碗粉份量都好充足，勁多檸粉，細胃口d既女仔肯肯定食唔晒。札肉湯檸d札肉整得唔錯，一碗有成十塊咁濟，整得幾入味，連埋洋蔥同肉湯一齊入口，正！阿媽碗特別牛湯檸就有d似潮州牛雜河，簡單黎講就係包羅萬有乜都有d，佢話個湯底吸左牛既精華，食落味道濃郁。