巷·弄 (已結業)

台灣小店位於長沙灣，位置不近地鐵站，大約7點未見人龍。入座無耐就開始有很多客人外帶魯肉飯。而堂食都幾乎滿座，大部份客人都係叫牛肉麵，聽講呢間小店賣嘅都係手工麵，相信應該都有一定嘅吸引力！店內有幾款茶包出售今日晚餐分別有：冬菇肉燥飯、鹹酥雞、蚵仔煎、蚵仔大腸麵線及百香果鳳梨茶。冬菇肉燥飯細細碗要$38都算幾貴，味道就一般般，其實我最想試食嘅係魯肉飯㗎！鹹酥雞就唔咸，外型好似爆谷雞。蚵仔煎內有好多好多蔥，蚵仔真係比較精緻，食唔到啖啖蚵。如果可以煎燶啲，整厚身少少，放返多啲大粒嘅蚵仔就會更好食😋最後係蚵仔大腸麵線真係好大碗，而且都好多豬腸。不過唔知點解要放咁多蒜蓉喺面？