閨•家 (西九龍中心) (已結業)

腸胃炎剛剛好返，又唔想煮飯又唔想食粥，所以同左小朋友嚟咗依到食，飲返碗靚湯。是日靚湯：蟲草花百合煲豬展清清甜甜，下下火👍👍👍之後叫左豬軟骨波菜麵：菠菜麵煙煙韌韌，好滑漏，配上豬軟骨，好正。因為豬軟骨肉好淋又滑，入味的醬汁可以撈吓麵，正！手剁耦餅：依個餸比較清，少油，咁晒我岩岩好返又要d 力的人。當然個耦餅好厚，好大件，慢慢送飯，耦粒令到個併更有口感。豬頸肉：脆邊肉淋，小食一流，忍唔住食左幾件。