影片
更多
2020-10-22
183 瀏覽
收工去咗荃灣買野，之後就黎咗呢間清新嘅花系餐廳，環境寬敞，坐得幾舒服，最啱同朋友喺度傾下計relax下！▪️西班牙乾式熟成加利西亞西冷牛扒配粉嫩胡椒汁呢個必試！因為比較少地方有Dry aged牛扒，兩百幾蚊的Dry aged都幾CP值高。牛味濃郁，用熱石烹調，除咗令牛扒一路keep到溫度，而且令到牛味脂香更突出，非常juicy，肉質軟嫩又略帶嚼勁！而且牛扒上面有粒圓碌碌嘅自家調配分子料理醬料Bearnaise Sauce，同牛扒好夾！負責人好細心咁介紹Bearnaise Sauce嘅製作，成份有Gluco，主要係將Bearnaise Sauce 既質地改變，再加上一種海藻提煉物叫Algin，當Gluco遇上Algin就會有chemical reaction，變成一粒波波！-▪️小食拼盤有三款食物，呢個拼盤值得推介👍🏻👉🏻水牛城雞翼水牛城醬調得好好，香辣又惹味，雞翼好juicy鎖汁！👉🏻炸鱈魚柳炸得外脆內軟，炸粉薄身，入面魚肉嫩滑，點上佢地自家調製抹茶他他醬，味道幾特別，兩樣野好match!👉🏻薯條份量好多，炸得香脆！▪️炸軟殼蟹明太子忌廉汁意粉Ccolourful 嘅乾花瓣令到成個擺盆好靚，
收工去咗荃灣買野，
之後就黎咗呢間清新嘅花系餐廳，環境寬敞，坐得幾舒服，最啱同朋友喺度傾下計relax下！
▪️西班牙乾式熟成加利西亞西冷牛扒配粉嫩胡椒汁
呢個必試！因為比較少地方有Dry aged牛扒，兩百幾蚊的Dry aged都幾CP值高。
牛味濃郁，用熱石烹調，除咗令牛扒一路keep到溫度，而且令到牛味脂香更突出，非常juicy，肉質軟嫩又略帶嚼勁！
而且牛扒上面有粒圓碌碌嘅自家調配分子料理醬料Bearnaise Sauce，同牛扒好夾！
負責人好細心咁介紹Bearnaise Sauce嘅製作，
成份有Gluco，主要係將Bearnaise Sauce 既質地改變，再加上一種海藻提煉物叫Algin，當Gluco遇上Algin就會有chemical reaction，變成一粒波波！
-
▪️小食拼盤
有三款食物，呢個拼盤值得推介👍🏻
👉🏻水牛城雞翼
水牛城醬調得好好，香辣又惹味，雞翼好juicy鎖汁！
👉🏻炸鱈魚柳
炸得外脆內軟，炸粉薄身，入面魚肉嫩滑，點上佢地自家調製抹茶他他醬，味道幾特別，兩樣野好match!
👉🏻薯條
份量好多，炸得香脆！
▪️炸軟殼蟹明太子忌廉汁意粉
Ccolourful 嘅乾花瓣令到成個擺盆好靚，軟殼蟹好大隻，炸得恰好唔會太熱氣~
明太子汁味道濃，加上蟹籽口感豐富，忌廉汁都夠Creamy順口，意粉軟硬度恰好👍🏻
-
甜品篇
呢度各款甜品都好精緻又igable🥰
▪️朱古力心太軟
心太軟賣相好靚，朱古力味好濃，唔會太甜，流心效果都整得好好～
仲配咗香濃細滑雲呢嗱雪糕！一冷一熱口感豐富！
-
飲品篇
▪️Green Detox Smoothie
呢杯smoothie有西芹、羽衣甘藍、菠菜、青檸、青瓜，再加上少許芒果同橙汁作調配。
唔洗擔心會太重草青味，因為加咗芒果同橙汁，所以好易入口，而且仲有一大條西芹作裝飾，咬落都幾新鮮爽口，食完一頓豐富晚餐最啱就係飲呢杯清一清~
咁多料都係$48，呢杯Smoothie非常性價比高👍🏻
▪️白酒
質素不錯，跟牛扒只係+$30👍🏻
-
呢度仲有個蛋糕櫃，有多款吸晴嘅甜品，食完飯買件甜品返屋企比屋企人分享都不錯呢！
-
白色同花系為主嘅環境令人坐得舒服，而且食物質素唔錯，擺盤又有心思，價錢都性價比高呢，值得再黎～
張貼
