杏甜品 (香檳大廈) (已結業)

見到唔少朋友都介紹過呢間甜品舖，亦成日都經過呢度，今日終於入嚟試咗😋杏甜品 - 聽個名就估到佢哋係以杏仁為主打，而且仲有唔少與杏仁新配搭/組合嘅甜品，最近有凍食椰皇系列及凍飲杏仁系列，為這個炎夏☀️消消暑！我哋試咗兩款甜品及一杯凍飲：椰皇🥥貓山皇燉雙皮奶愛吃榴槤嘅朋友一定要試，甜品一放低已聞到陣陣嘅榴槤香，配上雙皮奶滑滑的感覺，以及椰皇肉有咬口，三重滋味，十分滿足😍杏仁茶燉蛋白🥚呢個係佢哋必試招牌之一，杏仁茶好香濃，蛋白滑嘟嘟，好足料之餘感覺仲好健康，唔怪得係佢哋嘅招牌😋呂宋芒🥭小丸子杏仁茶吸吸🍹新推出嘅凍飲杏仁系列，原來芒果唔單止可以配椰奶，仲可以杏仁茶，加埋煙韌嘅小丸子，好足料嘅凍飲，呢個創新配搭的確唔錯👍