茶·原點 (已結業)

睇完youtube先知土瓜灣有呢間茶飲店，位置真係偏左少少，平時唔會行到黎呢邊，今晚食完飯特登行黎買，只見飯後冇咩客人。珍珠奶茶的價錢比一般台式飲品店平，有機會都想試下，不過今日我地想試招牌的蘋果鮮紅茶。飲完幾啖先記得影相，本來係好滿架~即叫即搾的蘋果汁，仲有真的蘋果粒同沉底的蘆薈粒，除左飲管之外，仲附有支長叉比你吉蘋果食，又有得飲又有野咬，成杯野飲好清新，甜度亦可以自行選擇。蘋果的清甜配上紅茶，係飯後解膩的好配搭。