PizzaExpress (K11購物藝術館) (已結業)

好耐冇食pizza，適逢約了朋友食晚飯，一於試試。地點選在K11嘅PizzaExpress。三人點選了牛油果蕃茄醬薄脆包、雞肉凱撒沙律、夏威夷薄餅及蟹肉白酒汁意粉。牛油果醬配番茄味道非常清新，用脆包點來吃，食到唔停得口。凱撒沙律份量非常大，雞肉嫩，菜新鮮，非常啱健康一族。夏威夷薄餅焗得脆，巴馬火腿鹹香，配合菠蘿醬甜酸味，越食越開胃。蟹肉白汁意粉水準高，蟹肉一絲絲，份量多。白酒汁加上紅辣椒同煮，香辣味及酒香，加上意粉彈牙，水準高。埋單約500多元，以食物水準來說，非常抵食。