影片
更多
2018-10-28
1129 瀏覽
難得今日早收工，朋友好好興致咁帶我去試一間好特別嘅中菜，有得食又有得玩。一入到去裝修非常雅緻、古色古香，周圍擺放咗唔少嘅中國裝飾， 連櫈背都有唔少嘅仕女圖， 淨係環境都已經夠呃like 。細節位都非常加分，就連餐巾都用咗一個格格嘅頭飾夾住，靚得嚟仲好貼題。玩嘅地方出現了，就係餐廳設有一個小角落，擺放咗唔少嘅清裝同飾物，可以畀客人慢慢cosplay做皇上、皇后、格格、宮女，甚至清兵都有。仲有唔少嘅小道具可以畀客人發揮創意，影唔同嘅相。飾物嘅造型都好精美， 絕對唔會因為係道具就求其了事，令我對呢餐飯更加入期待感。先來一客江南三小碟，有陳醋木耳、雞絲粉皮、漬青瓜， 賣相非常之精美，而且好開胃，木耳好爽脆，陳醋嘅味道好溫和，酸酸甜甜。不過雞絲粉皮嘅味道都唔錯， 雞絲同粉皮切得非常幼細，加埋好香嘅麻醬，食落好有口感。之後就係菊花豆腐湯， 湯底係好清甜嘅雞湯味， 但係唔會太油，加上切成菊花狀嘅豆腐，非常細緻，淨係視覺享受已經一流。而呢一味就係松子魚， 廚師將魚起肉切花，再泡油炸，加上酸酸甜甜嘅醬汁，同埋好香脆嘅松仁， 少啲技術都唔得。而獅子球都係一道我好鍾意食嘅餸，尤其是呢味餸 好好餸飯， 不過呢
一入到去裝修非常雅緻、古色古香，周圍擺放咗唔少嘅中國裝飾， 連櫈背都有唔少嘅仕女圖， 淨係環境都已經夠呃like 。
細節位都非常加分，就連餐巾都用咗一個格格嘅頭飾夾住，靚得嚟仲好貼題。
玩嘅地方出現了，就係餐廳設有一個小角落，擺放咗唔少嘅清裝同飾物，可以畀客人慢慢cosplay做皇上、皇后、格格、宮女，甚至清兵都有。
仲有唔少嘅小道具可以畀客人發揮創意，影唔同嘅相。
飾物嘅造型都好精美， 絕對唔會因為係道具就求其了事，令我對呢餐飯更加入期待感。
先來一客江南三小碟，有陳醋木耳、雞絲粉皮、漬青瓜， 賣相非常之精美，而且好開胃，木耳好爽脆，陳醋嘅味道好溫和，酸酸甜甜。
不過雞絲粉皮嘅味道都唔錯， 雞絲同粉皮切得非常幼細，加埋好香嘅麻醬，食落好有口感。
之後就係菊花豆腐湯， 湯底係好清甜嘅雞湯味， 但係唔會太油，加上切成菊花狀嘅豆腐，非常細緻，淨係視覺享受已經一流。
而呢一味就係松子魚， 廚師將魚起肉切花，再泡油炸，加上酸酸甜甜嘅醬汁，同埋好香脆嘅松仁， 少啲技術都唔得。
而獅子球都係一道我好鍾意食嘅餸，尤其是呢味餸 好好餸飯， 不過呢度就係獅子球上面加咗少少黑松露，令到菜式矜貴之餘，亦都多咗陣松露香味。
豬肉蒸得好嫩滑， 雖然有少少粉紅色，但其實係熟咗嘅。
最後糖水就少不免，我哋就試咗呢個酒釀丸子，聞起嚟酒香味好濃，但係食落就桂花味重啲 ，而丸子好煙韌柔軟， 為今餐畫上一個perfect嘅句號。
張貼
