Hero's Friday (已結業)

Hero’s Friday 終於都黎到深水埗啦！深水埗美食好多，但burger 真係無乜選擇，之前係中環食過Hero’s Friday，一直想再食，但一直去唔到，但原來而家佢有自家app 落order, 可以自取或送貨，係邊度都可以食到，真係超級方便🤩， 食物準備好就會係app 通知你，預啱時間剛剛好。因為今日出開去，所以就選擇用app 落單後自取，唔使等❤️，但其實舖頭位置都好方便，就係黃金對面，簡直係深水埗既中心地帶。今次同屋企人選擇咗經典漢堡套餐同雙層芝士漢堡套餐，最喜歡用app可以慢慢揀，各樣選擇都有，可隨自己喜好加減🤩🔸雙層芝士漢堡套餐牛肉好有肉味又有肉汁，加埋雙層芝士，芝士溶溶地再配埋牛肉🤤，超級無敵既組合❤️ ，套餐基本包咗薯條及汽水，因為想食炸雞粒，所以加將薯條轉炸雞粒，一包超多，熱焫焫好好味。🔸經典漢堡套餐屋企人唔食牛，原本諗住唔預佢食，但原來牛肉可以轉豬柳，啱晒唔食牛既朋友都可以食burger ～ 跟餐既薯條係粗薯條，我至like ❤️整體質素Okay, 漢堡好有肉味又有肉汁，CP值高，而且有自家app 落單好方便。