第一個河粉🍜揀咗沙嗲豬頸肉、豬腩肉、芥末貢丸、慢煮叉燒，個湯就揀咖喱汁再加辣菜脯，呢度出名河粉，採用低溫殺菌，保持質地彈牙滑身，叉燒真心爆推😍邊邊焦香，勁似日式拉麵叉燒，甜醬油調味，好高級的味道，芥末貢丸第一次食，小小攻鼻好解膩，豬頸肉個沙嗲味好香，每樣餸都出色！
另外一個油麵就要邪惡終極全汁🤣餸就豬大腸、豬紅、玻璃魷魚、牛腩同埋牛筋，麵底超扎實，食極都未食晒，魷魚已經醃到好入味，牛筋都燉到好軟爛，滿滿膠質，豬紅畀勁多粒，係我嘅車仔麵標配🤩
呢度嘅中式主廚已經入煮30年，牛雜牛腩都係師傅晨早翻舖頭自己炆，好有誠意，湯底都係用豬骨、雞殼、雞爪慢火熬，個人推薦終極全汁最濃味掛麵！
1
