影片
更多
2017-06-04
118 瀏覽
今次同女友行到黎深水埗睇電腦野, 順便搵下附近既美食~呢區真係好多野食, 我地揀左一間朋友食過話好既火鍋鋪既係唔係任食, 就冇左果種一定要食到回本飽到嘔既畸型心態了張menu話多唔多話少唔少, 淨係湯底都十樣左右, 我地揀左最簡單既清湯+沙爹鴛鴦鍋~係湯底準備緊果陣就先整定火鍋醬汁先~ 呢度既配料有齊最主要既辣椒, 生蒜炸蒜, 蔥, 芫茜整完見店家大力推薦佢地呢排既法國生蠔, 就叫左兩隻試一試黎到真係有驚喜, 完全唔似係火鍋店而係西餐廳既水準, 就咁開左殼已經聞到好香礦物味cocktail sauce都冇落就食晒, 好鮮完全唔腥稍為填一填肚我地就慢慢等湯底滾~呢度有樣野好適合我地呢d兩個人黎打邊爐又唔係任食既叫, 就係佢地既雙拼丸喇~無論係芝士丸蝦丸墨丸包心丸都好, 全部都係加十蚊就雙拼~佢地個味本身已經有, 加埋湯底既味唔洗點豉油都夠味同出面街市或者任食火鍋店既包心丸真係冇得比, 起碼個皮都彈牙好多之後係手打墨魚丸+手打蝦丸雙拼墨丸同蝦丸都睇得出係足料手打, 蝦尾都係見到係度食落好有鮮味, 加少少醬汁調一調味就夠飲品我地淨係要左支大既嘉士伯~配接下來既肉類冇得輸肉呢方面我地叫左個大既
呢區真係好多野食, 我地揀左一間朋友食過話好既火鍋鋪
既係唔係任食, 就冇左果種一定要食到回本飽到嘔既畸型心態了
張menu話多唔多話少唔少, 淨係湯底都十樣左右, 我地揀左最簡單既清湯+沙爹鴛鴦鍋~
係湯底準備緊果陣就先整定火鍋醬汁先~ 呢度既配料有齊最主要既辣椒, 生蒜炸蒜, 蔥, 芫茜
整完見店家大力推薦佢地呢排既法國生蠔, 就叫左兩隻試一試
黎到真係有驚喜, 完全唔似係火鍋店而係西餐廳既水準, 就咁開左殼已經聞到好香礦物味cocktail sauce都冇落就食晒, 好鮮完全唔腥
稍為填一填肚我地就慢慢等湯底滾~
呢度有樣野好適合我地呢d兩個人黎打邊爐又唔係任食既叫, 就係佢地既雙拼丸喇~
無論係芝士丸蝦丸墨丸包心丸都好, 全部都係加十蚊就雙拼~
佢地個味本身已經有, 加埋湯底既味唔洗點豉油都夠味
同出面街市或者任食火鍋店既包心丸真係冇得比, 起碼個皮都彈牙好多
之後係手打墨魚丸+手打蝦丸雙拼
墨丸同蝦丸都睇得出係足料手打, 蝦尾都係見到係度
食落好有鮮味, 加少少醬汁調一調味就夠
飲品我地淨係要左支大既嘉士伯~配接下來既肉類冇得輸
肉呢方面我地叫左個大既頂級安格斯牛小排
同埋半份牛白肉~
牛小排份量真係好大好滿足, 加上外觀都睇到既雪花脂肪, 未食都知佢一定唔會韌
煮到變色就食得, 我地沙爹同清湯都各煮左一半左右
沙爹就咁夾起都食得, 佢個湯底好足味
清湯可以就個人喜好加少少醬汁,或者食佢原本既牛味
聽侍應介紹叫左半份牛白肉試一試, 佢話係牛下爬果個位既肉
唔好睇佢成舊白色以為係脂肪~其實煮完咬落好爽好有牛味
跟侍應指引淥12秒就可以食得, 為左試佢原本既味我地都係清湯唔點豉油咁食~
果然又有牛味又爽口, 好有趣既體驗
額外叫左份金菇, 全部淥晒係沙爹湯~
煮得耐好入味, 同埋沙爹湯有少少沙茶味出到黎好正
最後既係呢個侍應推介既特色野, 紫菜即炸響鈴
一咬落去真係好似食緊薯片咁脆, 唔浸湯都好好食
食左幾件之後轉做浸湯食又係另一番滋味, 中間有紫菜真係好特別
總括黎講, 食物質素絕對對得住個價錢, 真係多謝朋友介紹呢間火鍋店~
張貼
