深水埗實在有太多平民美食，特色餐廳。
想食港式粉麵，行到去福榮街咁啱就見到這間「生龍清湯腩」😍
二話不說入去坐低開餐先～
套餐、特色餐、下午茶餐選擇非常多！
先來這個雙寶河粉配青檸7喜
鮮蝦雲吞併坑腩。份量超大，湯底勁清甜，冇乜油份👍🏻坑腩層次分明，有連接着筋部，爽中帶軟腍，一層薄薄嘅肥膏連接着，入口甘香鬆軟，肉味香濃！雖然有啲貴不過真係好回味！
雲吞都係店家得意之作。大細適中，包着嘅鮮蝦味道濃郁。
套餐的青檸七喜冇貨，轉為鹹檸七。
鹹檸夠味，冰凍解油膩🌟👍🏻
再來一碗「清湯腩河」。湯底清甜，冇味精添加。河粉滑溜～本想+$升級沙腩，可是每日限量發售嘅崩沙腩，爽腩和坑腩都售罄～
配油菜一碟。平平無奇一碟菜心添上腩汁感覺截然不同～味道提升幾倍。腩汁唔會好鹹，令菜心柔潤香甜！
薄餅咖喱牛下午茶餐
睇餐牌「巴基斯坦咖喱系列」都係店家招牌菜，在聲量調小,中定大辣，即刻感受到製作認真唔好亂嚟，叫咗小辣。
咖喱好香，香料味重，辛辣度十足非常刺激。牛肉片唔少，再配熱辣辣嘅牛油薄餅，真係太美妙！風味十足！難得同一餐可以食到清湯腩同巴基斯坦咖喱都係一樣美味。😋😋
凍美祿
推介這款特飲，好濃郁嘅美祿，仲似係加咗鮮奶，飲到尾仲係好厚身掛杯，比好多東南亞餐廳做得更美味！👍🏻👍🏻
白灼三併
水魷魚，牛柏葉和唔知係雞腸定係鵝腸～最出色就係個洋蔥/薑蔥豉油，靈魂所在超美味！
餐廳竟然仲有自家製嘅糕點。
$12蚊3件抵食。
桂花紅棗糕和雪耳桂花糕，桂花味道清香。
好厲害一間小店可以有咁多特色美味小食！
1
2
1
