三上日本料理 (已結業)

深水埗美食眾多，次次去完買game，睇玩具，買電腦野都一定會食埋野先返屋企。今日就去左三上日本料理食晚飯。打開本menu，壽司、刺身，串燒，爐端燒等等樣樣齊，樣樣都好想食，攪到花多眼亂，選擇障礙又發作添。先叫咗客芝麻豆腐沙律。沙律菜同豆腐配上芝麻醬汁，好味道。豆腐看似用上左百福，食落好滑。最特別係有大量嘅昆布，其他日式料理唔覺會有的。小食就叫咗個日式炸蝦丸。蝦丸面頭有麵包燈包住，炸到卜卜脆，又香口。蝦丸混入左芝士，食落特別香。蝦丸好彈牙，又好香蝦味，蝦味麵唔會什芝士味蓋過，味道控制得好平衡。主食分別叫咗築地壽司盛合同埋叉燒石鍋鮮茄湯烏冬。築地壽司盛合有成16件，件件都好新鮮好正。我就最中意香蔥拖羅卷同拖羅劍魚。至於叉燒石鍋鮮茄湯烏冬，熱辣辣好好食，鮮茄咩好濃郁，唔會淡某某。叉燒都好正，唔會話硬或者煮到老哂柴哂。另外叫咗35蚊兩杯嘅特價飲品。日本鮮白桃汁好香，仲有淡淡果肉。綠茶檸檬梳打，我平時都無咩機會飲，通想都係飲檸檬綠茶多。依個綠茶檸檬梳打，係綠茶加梳打，再加上鮮檸檬。想要幾多檸檬味就自己決定，因為有梳打，成杯野好有汽水嘅感覺。整體來講，環境同食物都比預期出色。下次行完深水埗一定會再