澳葡牛奶餐室

營業中

休息中

今日難得去開深水埗買野，之前上網搵定呢間有澳門菜同葡國菜嘅餐廳就去試下啦。我地叫左主菜有香煎豬扒牛奶濃湯意粉同咖哩雞扒飯。兩份嘅扒都好大份，食落好厚身。意粉好爽口，牛奶味重啲更好。咖哩都幾入味，飯太多到食唔晒。小食就有香煎魚餅配馬介仁醬，香炸韭菜餃同瑞士雞翼。魚餅都好大片，個醬都幾濃味。個韭菜餃都好大粒，食落好香好足料。而個雞翼就夠實淨，可以更入味就更好。飲品就分別叫左宇治金時鮮奶同紅豆冰。兩杯都好大杯，唔會太甜，紅豆都多。可惜葡撻賣晒，唔係都想一試。