圓圓 (已結業)

深水埗有好多食肆，亦有好多台式飲品店。但大部分都係用奶精沖，加上無味嘅珍珠同茶底。最近，西九龍中心對面開左一間新嘅飲品店，標榜原材料由台灣進口。原來小店係由一個台灣人妻主理，由原材料，裝修，店舖設計都係佢一手包辦，目的就係將家鄉嘅味道帶黎佢現時生活嘅地方。圓圓烏龍奶茶應該係店內其中一個招牌產品。圓圓係老闆娘，亦代表黑糖珍珠。珍珠有好香嘅黑糖味，唔會死甜，又有咬口。奶茶香滑，又好厚滑嘅鮮奶之餘仲有陣陣烏龍茶嘅味道。坊間無論大小嘅飲品店都好少會有咁好嘅茶底～膠杯設計貼心，有提示最佳飲用時間連杯蓋都好可愛呢～