影片
更多
2021-12-01
59 瀏覽
深水埗越來越多有質素嘅新Cafe，呢間新開業嘅「不苦Buff」 响大南街楓樹街Corner位，日式簡約木系設計，空間感十足，採光一流，陽光透過玻璃照入嚟，坐得特別舒服😌我係星期日一早到訪，所以唔會迫爆，氣氛悠閑。飲杯嘢醒一醒個人，再感受下冬日陽光☀️感覺實在太美好🤗咖啡店有提供主食、輕食同埋各款飲品，食物以泰式、西式同埋日式為主。脆烘蝦芝士厚吐司$108即叫即整，大約需時15至20分鐘，大大件香脆厚多士切開一半，入面係自家手打蝦膠，蝦肉爽口彈牙有口感，再配合雙色芝士實在邪惡，一件已經食得超飽！伴碟仲有炸蝦片添，好脆～煙三文魚牛油果酸種麵包$68健康之選，牛油果夠熟，煙三文魚份量都好足，兩者味道好夾，酸種麵包煙韌有嚼勁。泰式冬蔭雞翼$68雞翼炸得好香脆！泰式冬蔭口味幾特別。拌碟嘅沙律酸甜清爽，都比我食曬～Matcha Latte$55抹茶味濃，甘香十足，又唔會太甜。要攪拌均勻先好飲呀～Hojicha Latte$55有凍或者熱，焙茶味道燶燶哋咁，日式風味十足，又唔會甜，唔錯！另外，不得不提嘅就係呢間係寵物友善嘅咖啡店，可以帶埋狗狗一齊嚟🐶絕對會回訪❤️
深水埗越來越多有質素嘅新Cafe，呢間新開業嘅「不苦Buff」 响大南街楓樹街Corner位，日式簡約木系設計，空間感十足，採光一流，陽光透過玻璃照入嚟，坐得特別舒服😌
我係星期日一早到訪，所以唔會迫爆，氣氛悠閑。飲杯嘢醒一醒個人，再感受下冬日陽光☀️感覺實在太美好🤗
咖啡店有提供主食、輕食同埋各款飲品，食物以泰式、西式同埋日式為主。
脆烘蝦芝士厚吐司$108
即叫即整，大約需時15至20分鐘，大大件香脆厚多士切開一半，入面係自家手打蝦膠，蝦肉爽口彈牙有口感，再配合雙色芝士實在邪惡，一件已經食得超飽！伴碟仲有炸蝦片添，好脆～
煙三文魚牛油果酸種麵包$68
健康之選，牛油果夠熟，煙三文魚份量都好足，兩者味道好夾，酸種麵包煙韌有嚼勁。
泰式冬蔭雞翼$68
雞翼炸得好香脆！泰式冬蔭口味幾特別。拌碟嘅沙律酸甜清爽，都比我食曬～
Matcha Latte$55
抹茶味濃，甘香十足，又唔會太甜。要攪拌均勻先好飲呀～
Hojicha Latte$55
有凍或者熱，焙茶味道燶燶哋咁，日式風味十足，又唔會甜，唔錯！
另外，不得不提嘅就係呢間係寵物友善嘅咖啡店，可以帶埋狗狗一齊嚟🐶絕對會回訪❤️
張貼
