滾火鍋 (已結業)

在深水埗等等吓車返屋企既時候，撞到好耐冇見既小學同學大家都想坐低一齊詳談，見到有間火鍋店就入左去坐低一路食一路傾，我哋得兩個人所以只選左小小嘢食，費事叫太多浪費湯底選左：濃香鴛鴦鍋，火鍋配料選左呢d：手切本地牛展（細）、新鮮豬頸肉、手工韮菜餃、順德脆鯇魚腩和油麥菜。係等食嘅期間，侍應會送上一杯餐前飲，等你飲左會開胃d食多d，呢杯話梅汁入囗酸酸甜甜，恰到好處濃香鴛鴦鍋：選左（芫茜皮蛋和四川麻辣）芫茜皮蛋鍋有好多芫茜、皮蛋和馬蹄，皮蛋好甘香，馬蹄好爽，個湯入囗好清甜。四川麻辣鍋有大豆芽菜、海帶和豬紅，豬紅好滑，麻辣好濃香。手切本地牛展（細）：牛味濃，入囗鮮甜有咬囗新鮮豬頸肉：睇賣相好靚，而碟上個碗原來係蛋白，問過侍應話將整朵花型豬頸肉放落鍋時同時將蛋白倒落豬頸肉，就能另到豬頸肉入囗更嫩滑，加左蛋白豬頸肉入囗真係好味好多手工韮菜餃：好香韮菜味順德脆鯇魚腩：咬落好爽脆鮮甜，有魚鮮味油麥菜：好新鮮，索左個湯更加爽甜好彩遇到個小學同學先可以試到呢間好食既火鍋店佢哋都有好多細心位，每檯都有usb和電源插座俾人叉電而且俾客飲嘅係檸檬水還有一冇水冇湯就加，食完嘅碟就即刻收，侍應服務態度值得讚，下次可以叫