影片
更多
2022-12-12
2335 瀏覽
今晚約左以前同事聚舊, 一行四人決定食大排檔, 即時有人suggest深水埗呢間愛文生. 已知呢間每晚都勁多人, 所以起夜晚大約6:30已用The Gulu 拎飛, 親身去到7:00等左一陣就有位.一坐低舊同事就order左掛起牆上Poster嘅幾道菜, 椒鹽九肚魚, 小炒王, 椒鹽炸魷魚, 豉椒炒蟶子, 黑椒薯仔牛肉粒, 招牌黃金虎蝦椒鹽九肚魚同椒鹽炸魷魚都好有鍋氣, 而且粉漿做得啱啱好, 唔太厚, 同食得出食材新鮮, 可以話係必order 嘅菜. 係勁正嘅佐酒食物!小炒王就相對無咁有鍋氣, 不過黎得大排檔, 又唔想淨係叫碟菜, 小炒王都係不二之選. 雖然無前兩味送咁野味, 但腰果都算爽脆，蝦乾都幾多, 同韭菜炒得幾好食.黑椒薯仔牛肉粒就有少少失望, 老實講, 係無萬發咁好食, 無論薯仔同牛肉都比萬發差少少(皇申: 唔係唔好食, 只不過呢道菜萬發煮得太出色). 如果薯仔再脆D, 牛肉粒細粒多少少就更好.招牌黃金虎蝦都幾大隻，沾上咸蛋黃同大蝦一齊炸相當入味, 虎蝦亦好新鮮好彈牙, 蛋黃濃香同虎蝦鮮味夾埋真係好正, 雖然價錢貴D, 但係又真係值嘅....最後加單叫左個豉椒炒蟶子, 蟶子都
一坐低舊同事就order左掛起牆上Poster嘅幾道菜, 椒鹽九肚魚, 小炒王, 椒鹽炸魷魚, 豉椒炒蟶子, 黑椒薯仔牛肉粒, 招牌黃金虎蝦
椒鹽九肚魚同椒鹽炸魷魚都好有鍋氣, 而且粉漿做得啱啱好, 唔太厚, 同食得出食材新鮮, 可以話係必order 嘅菜. 係勁正嘅佐酒食物!
小炒王就相對無咁有鍋氣, 不過黎得大排檔, 又唔想淨係叫碟菜, 小炒王都係不二之選. 雖然無前兩味送咁野味, 但腰果都算爽脆，蝦乾都幾多, 同韭菜炒得幾好食.
黑椒薯仔牛肉粒就有少少失望, 老實講, 係無萬發咁好食, 無論薯仔同牛肉都比萬發差少少(皇申: 唔係唔好食, 只不過呢道菜萬發煮得太出色). 如果薯仔再脆D, 牛肉粒細粒多少少就更好.
招牌黃金虎蝦都幾大隻，沾上咸蛋黃同大蝦一齊炸相當入味, 虎蝦亦好新鮮好彈牙, 蛋黃濃香同虎蝦鮮味夾埋真係好正, 雖然價錢貴D, 但係又真係值嘅....
最後加單叫左個豉椒炒蟶子, 蟶子都比較大條, 多肉, 豉椒炒就一定野味, 加上食材新鮮又夠鍋氣, 又係一碟不敗嘅菜
成餐飯食得非常滿足同滿意, 大排檔黎講呢個質素應該係全港頭五位, 唯一缺點係真係多人, 係好多人....一定要預早拎位.
張貼
