影片
更多
2019-11-08
224 瀏覽
深水埗果頭食完飯想食埋糖？唔係剩係得康瑞一個選擇嘅🥴店裝修行70年代古舊風，環境唔算好大，但夜晚都好多人幫襯有條人龍仔！．👓叄元豆花 (凍) $35豆花好香滑凍冰冰，有豆香味但唔算真係好濃，有珍珠、紫薯西米、地瓜芋圓各4粒，都幾多料。配料四選一揀咗紅豆。紫薯西米食唔出有紫薯味，同普通西米一樣味，可能有人覺得靚但我見到個賣相淨係覺得加咗好多色素好核突😂 芋圓好煙韌但剛好唔似咬泥膠，口感幾好唔錯，芋圓嘅芋頭味比較出，係好食👍🏻黑糖珍珠又多又大粒有黑糖味。紅豆唔太甜淋身唔會太生好硬或煮得太爛變蓉。評分：7.5/10👓椰汁西米配包心芋圓 (凍) $29偏多奶椰汁底唔算重，正常西米露囉，我諗主角真係喺包心芋圓度。紫薯、地瓜、芋頭皮嘅包心圓各有兩粒，皮薄身有啲似糯米糍嘅皮，裏面係芋頭蓉餡，大大粒軟淋淋有餡料，同芋圓細細粒韌身冇餡料感覺完全唔同，同人share食係唔錯。評分：7/10👓黑糖珍珠檸檬愛玉 (凍) $27檸檬愛玉台式飲品一杯杯就飲過，但糖水一碗碗就第一次😂雖然珍珠有黑糖甜味，但愛玉好重檸檬味味道偏酸，整體上比較清新開胃，食飽飯又口痕食碗消滯又得😂份量都偏大兜，仲有粒熊仔糖係檸檬上面🐻評分
店裝修行70年代古舊風，環境唔算好大，但夜晚都好多人幫襯有條人龍仔！
．
👓叄元豆花 (凍) $35
豆花好香滑凍冰冰，有豆香味但唔算真係好濃，有珍珠、紫薯西米、地瓜芋圓各4粒，都幾多料。配料四選一揀咗紅豆。
紫薯西米食唔出有紫薯味，同普通西米一樣味，可能有人覺得靚但我見到個賣相淨係覺得加咗好多色素好核突😂
芋圓好煙韌但剛好唔似咬泥膠，口感幾好唔錯，芋圓嘅芋頭味比較出，係好食👍🏻
黑糖珍珠又多又大粒有黑糖味。
紅豆唔太甜淋身唔會太生好硬或煮得太爛變蓉。
評分：7.5/10
👓椰汁西米配包心芋圓 (凍) $29
偏多奶椰汁底唔算重，正常西米露囉，我諗主角真係喺包心芋圓度。
紫薯、地瓜、芋頭皮嘅包心圓各有兩粒，皮薄身有啲似糯米糍嘅皮，裏面係芋頭蓉餡，大大粒軟淋淋有餡料，同芋圓細細粒韌身冇餡料感覺完全唔同，同人share食係唔錯。
評分：7/10
👓黑糖珍珠檸檬愛玉 (凍) $27
檸檬愛玉台式飲品一杯杯就飲過，但糖水一碗碗就第一次😂
雖然珍珠有黑糖甜味，但愛玉好重檸檬味味道偏酸，整體上比較清新開胃，食飽飯又口痕食碗消滯又得😂
份量都偏大兜，仲有粒熊仔糖係檸檬上面🐻
評分：7/10
👓石磨芝麻糊湯圓 (熱) $30
芝麻糊石磨所以口感幼滑，芝麻味香濃夠稠身唔稀。好食但係正常芝麻糊正常發揮😂
湯圓有三粒係芝麻餡。
評分：6/10
張貼
