S3 186 (已結業)

未入門口己經比個大月亮吸引眼球，第一時間當然係打卡先，本身想坐月亮旁邊，但侍應話我哋可以坐入邊靜小小。無後悔入左另一邊，因為環境實在太靚，滿天星星，真係浪漫滿分。新開餐廳座位與座位之間好闊落，每枱都有燈飾擺設，好有氣氛。我哋叫咗兩份主食、青口+2杯嘢飲。真係要介紹吓呢杯豬豬打卡咖啡，佢本身有個名，但我唔記得咗叫咩。豬豬係棉花糖做的，一啲都唔甜，浮喺咖啡上面好得意。睇住隻豬豬，真係唔捨得飲。我朋友叫咗杯阿凡達，原來係藍色飲品加雪糕球。味道都幾好味，打卡都唔錯。之後上龍蝦湯，味好濃，有蝦肉。呢個係藍青口，份量唔少，味道鮮甜，無叫錯。正餐終於黎啦！牛扒份量其實唔小，我地食左幾啖先記得要影相主菜仲叫左鵝肝牛肝菌寬蛋麵，見到個樣已經好吸引，識落個味仲好濃好味，鵝肝煎到剛剛好。下次會再食。最後加咗個甜品，因為朋友唔鍾意食嗰啲好甜嘅嘢，所以叫咗呢個雜果撻。入邊有吉士，外殼酥脆，都幾好味。另外叫多咗個奶凍，個餅底好趣，有椰子香味，唔算太甜。環境都非常優美，食物都唔錯，又夠晒打卡feel、價錢大眾化。