鳥海山鐵板燒

營業中

休息中

活龍蝦份量十足，肉質爽口彈牙好新鮮，配埋龍蝦啲蝦膏一齊食味道濃郁，帶出龍蝦鮮味。前菜麻醬配上蕃茄仔同沙律菜，味道清新好開胃。是日精選刺身職員同我哋講解刺身嘅食用次序，由墨魚開始食起，之後再食尾長鯛、金木鯛、真鯛，由淡味再食到濃味嘅魚，刺身好新鮮有水準，每一款都好好食，印象最深刻係真鯛，魚肉好香濃就算食完，口腔都keep住真鯛嘅味道，好正😋。鵝肝多士外脆內軟，鵝肝香濃，配埋香脆多士嚟食好邪惡。活鮑魚煎得好香，唔會煮過龍啱啱好，肉質好淋帶點彈牙。牛肉薄燒包住香蒜粒、香蔥食落好香口，口感豐富。炒野菜係椰菜絲，蔬菜爽脆清甜。炒飯好有鑊氣，粒粒分明。最後飲埋昆布豆腐麵豉湯成餐飯好滿足。