深宵食堂 (已結業)

朋友推介，帶我黎食，就試試，黎到先知食串燒……咁就考功夫啦，唔要太重口味，唔要得過咸字，唔要燒得太老……呢間舖，俾到驚喜我……重點推介燒雞軟骨，唔會燒得太乾，另外唔止得軟骨位，會連小小肉，成個味同口感都提升哂。黑松露軟骨餃，皮 夠簿夠脆，入面應該係碎左嘅軟骨同肉，好香，口感好得意，加上足料黑松露，誠意推介。燒羊架，羊架肥瘦度一流，燒得好，入邊仲係嫩，有肉汁。鋪頭細心，有d係冇骨同切細粒，啱哂女仔。另外一提，有2個醬可以點，除左經典嘅蜜糖芥末之外，仲有香草薄荷，好醒胃。黑松露鵝肝什菌石窩飯～我都唔明邊個諗呢個配搭出黎嘅……真係好夾，好味，好味，好驚喜，必食。黑松露+鵝肝+什菌，不解釋，正到冇朋友，黑松露嘅獨特香味，鵝肝嘅油脂香，什菌嘅淡淡香味，mix埋一齊嘅味到真係好豐富。另外相信石窩嘅高溫係提升呢個菜式嘅高明手段。而且鋪頭好細心，會幫你撈起同分飯。深宵簿餅，係大阪燒嘅進化版，下面加左個脆面底，味道同口感都提升左，而且都大份抵食。冰燒菠蘿，外邊燒得焦焦地，但係食落卻係冰凍嘅，好得意，菠蘿夠甜唔酸又多汁，另外應該落左小小蜜糖，味道非常sweet。一口牛，牛柳粒，牛味濃，嫩，有肉汁。