深宵食堂 (已結業)

今日同朋友喺銅鑼灣附近搵嘢食，喺時代廣場附近見到有間樓上串燒店幾吸引，於是去試下。 我哋坐咗喺張二人枱度，我哋點咗兩串雞軟骨，兩串燒牛脷，兩吋bb露筍，一碟七味蓮藕片，一碟燒薯仔，一碟紫薯甘栗餅，一碟芝士年糕。 另外我哋都叫咗兩碟主食，分別係自家製豬軟骨手打湯烏冬，同泡菜豚肉飯。 雞軟骨同牛脷首先送上，牛脷一串有三塊，每一塊都好厚，口感好豐富，肉質都好鮮嫩。而雞軟骨一串有五至六舊，每一粒雞軟骨都好爽脆。 之後bb露筍同蓮藕同薯仔，露筍燒到外面有啲乾身，入面仍然有啲水分，燒嘅時候審啲鹽上去，呢個配搭送酒一流。另外燒薯仔加上調味料，味道好特別，而燒蓮藕片味道都好新鮮。 仲有芝士年糕，同紫薯甘栗餅，兩個分別芝士同紫薯味道好濃。 最後係兩個主食送上，主食係用一個小碗裝住，豬軟骨味道好濃，而豚肉好香口，同泡菜味道好夾。