新釗記 (已結業)

喺會展做完嘢都已經係晚上10點，仲未食晚飯，邊行邊諗咁夜仲有咩食，經過見到新釗記仲有好多人，於是快快入去食個 late dinner。咁夜怕食得多瞓唔著，就叫咗碗鮮蝦水餃墨丸河。嚟到見到碗粉都幾多，雙併水餃有4大粒，墨丸就有2粒; 水餃好味，有爽口嘅蝦、木耳同筍絲，包得好扎實，水餃皮軟滑，只食到少許鹼水味; 墨丸就普通啲，但都食到墨魚肉; 河粉就麻麻哋，唔知係咪份量太多，嚟到無耐就已經索晒啲湯，食落啲粉仲有啲油。