深井入面D咩記都食過哂都無咩驚喜，於是就試吓同事極力推介嘅阿翁燒鵝大王，同事仲係咁提我要食$1系列，$1系列有三款任揀，包括招牌燒鵝、白切雞同乳豬，而我就係為咗燒鵝而嚟，緊係點$1燒鵝啦！
另外再加咗三個餸，包括小食陳醋黑都木耳、鮑魚滑雞煲同埋XO醬蝦仁炒珊瑚蚌。
最先上到嚟嘅係燒鵝，呢度嘅燒鵝唔係用碟，而係用一個玻璃兜，下面仲有柔和嘅火保暖，淨係呢一點，我以後食燒鵝都會嚟呢度食，因為有食過燒鵝嘅人都知，特別係秋冬時候，食到一半已經唔想再食D燒鵝係因為D鵝油已經凝固，食落口就好似咬緊一舊油嘅口感！而呢度因為用火嚟暖坐，我食到尾都仲係熱，D汁都仲係水狀唔係油，成個深井得呢一間會咁做！
陳醋黑都木耳用嚟開胃就真係啱哂。
XO醬蝦仁炒珊瑚蚌，蝦仁大大隻，珊瑚蚌又好爽！
鮑魚滑雞煲D雞真係夠滑，而鮑魚亦都好大隻，呢個好抵食！
食完先見到阿拉斯加長腳蟹每隻$1388，外面食一隻起碼$$16xx以上，下次一定嚟食燒鵝+長腳蟹！
