當日有少少晏，所以入坐前有先confirm係米未關，侍應話冇問題先入去，不過坐到入去我真係feel唔到佢嘅所謂冇問題
叫左二人餐同朋友額外想點嘅芝士餃子。其實落單有單野都好怪，我問侍應餐湯係乜，佢竟然唔知，well你啲同事咁趕收工，即係你番左成晚工都唔知公司今日賣緊乜湯？
然後所有野都未黎，第一樣黎嘅係帳單，話要截數叫我地埋單，一樣野食都未到連飲品都未岀就叫人埋單？你估麥記呀？你啲野食唔黎我俾左錢咁點先？我明你會趕收工，咁你一係一早就同我講唔ok叫我過主啦係米呀？
跟住最正係，佢第一樣黎嘅野係芒果西米露，即係二人餐個甜品，wow我真係從來冇見過咁不可理喻嘅餐廳🤷🏼♀️朋友一見到西米露落枱即刻話，有冇事呀，補番句，係冇人會一黎食西米露嘅，跟住放到食完主菜嘅時候，碗野已經由凍放到微暖，舖哂塵咁，我同朋友掂都冇掂過
之後正常番dd，黎左飲品，正常
蒜蓉牛油雞翼，公平啲，里個係好食嘅，上到枱明顯係新鮮炸，好熱亦帶蒜香，有做好瀝油，所以好香脆
散叫嘅餃子反而唔係好得，肉涵淋得古怪，成舊野好似冇乜味咁
主菜點左咖哩黑椒雞扒飯，雞扒稍嫌有啲油，不過都可接受嘅咖哩汁幾惹味，又有啲粟米送下咁，過得去啦
里間餐廳遲早俾自己啲前線員工累死，你想收工嘅一係就早啲cut order，唔好搞里啲唔三唔四嘅所謂服務，我真係連嗰10% service charge 都想叫佢waive左佢，不知所謂。
