河內大娘越南餐廳 (已結業)

星期六晏晝買完嘢同另一半覓食，見到對面馬路有呢間越南餐廳就走入去試，午市時間唔使等位即刻入座。星期六都有套餐，我哋一人叫一個餐再加個小食。叫落單都要等一排先有人得閒，好彩上菜就好快。最先上嘅係生牛肉河，食越南粉當然要先飲啖湯試試碗粉嘅靈魂先啦，不過⋯係冇味嘅，所以另一半就叫人俾多喲辣椒⋯我呢碗春卷撈檬，春卷有點炸過龍，食落又唔係好香口，撈檬嘅汁加極都唔會話令人好開胃咁⋯好彩份量適中都食得完。呢份加左$19蚊嘅小食⋯⋯味道都係淡，可能係入面多素菜⋯呢個價錢加佢真係唔多值。我倆本身見到凍檸菜係青檸都有點期待，事關好少餐廳會咁⋯但飲落⋯冇青檸味⋯又冇長匙羹俾我地督下個檸⋯又唔可以伸手落去拎個檸上嚟擠下啲汁⋯總括嚟講⋯都係只會幫襯一次。