茶是故香·濃 (已結業)

呢日經過九龍灣工業區中竟然開左間萬中無一既台式飲品店 - 「茶是故鄉濃」，雖然心諗面覺得老板選址方面的確大膽，但無可否認呢個小店係淨躁喧囂既工業區帶黎一絲輕鬆寧靜既感覺，實在係我地呢啲係附近返工既打工仔心靈上既一片淨土。

有別於一般台式飲品店，佢冇售賣珍珠奶茶，老板只賣養生花草茶同水果茶。當日我同同事share左2杯完全唔同口味既茶，份量都係 超～大～杯～ 我慢慢細味左45分鐘先飲完，哈哈！

我個杯係「四季百果齊放有機冰茶」冰涼茶底配新鮮水果，口味清新輕盈，飲到好重既火龍果同茶香味，味道恰到好處。

超少甜係呢間店最大既特色，感覺好健康好fresh!

對我黎講，飲茶唔單只係解渴，更重要既係可以令人沉靜，暫時拋開煩惱。九龍灣返工既朋友不妨試一試！