丸亀製麵 (淘大商場) (已結業)

自從隔離間電影院執左粒之後都好耐無黎九龍灣行下，今日咁啱經過，見佢同一個位將會開大型連鎖的電影院，附近食市的配套都多左好多，間間都大排長龍。因為我真係好唔鐘意排隊等位，所以見呢間丸龜制麵人少少就揀呢間黎做晚餐。呢間餐廳係直接係出面點餐，我就點左份大份冷烏冬，點完主食，可以自己夾小食，有餃子🥟、天婦羅🍤，我就點左炸蝦餅有醬油跟個烏冬，配料（蔥花、芝麻都係自助形式），烏冬幾彈牙，但略嫌唔夠凍，個醬油就淡左啲，炸蝦餅似乎炸好左一段時間，唔算好香口，就咁醫肚黎講份量ok既，但味道就真係差啲。🤢呢份就女友點既。餃子夠脆，餃子汁反而好夾，值得推薦。👍🏻