黑鉄屋 (已結業)

搵拉麵食，揀呢間因為貪佢近大堆咖啡店可以揀。要咗金兵衛，硬麵。雖然拉麵店食串燒好怪，但我鍾意香口嘢，可惜夜晚先有。個湯好清淡接近冇豬骨味，上面個辣肉醬令到湯底提咗味。麵條夠硬，但因為湯底唔夠漿力掛唔到，食落同湯底分離。叉燒表面用火炙過帶焦香，半肥瘦有層啫喱皮咁，真正入口即溶，非常出色！溫泉蛋富濃郁蛋味且半熟，調味亦到位冇過鹹。但份量好細，食完唔飽。我去咗買咖啡再加鬆餅先夠。