3
KRAPOW! 爆爆•泰菜 @krapow.hk 強勢登陸將軍澳
主打炭烤同鑊氣等小菜
地道風味令你置身於泰國街頭一樣
⭐️泰式肉碎生菜包
⭐️鳳爪沙律
兩款前菜都非常開胃
無骨鳳爪沙律酸酸辣辣
肉碎生菜包嘅肉碎用上大量香料去炒製，味道令人垂涎欲滴
⭐️沙嗲串燒雞豬
⭐️原隻燒鮮魷魚
⭐️泰式燒牛柳
既然佢哋嘅炭火燒烤係最出名嘅
淘小姐就試吓三款唔同嘅小食
沙嗲串燒除咗有好重花生味嘅沙嗲汁
旁邊仲有一碟有青瓜碎嘅酸甜醬汁
淘小姐都係第一次見咋
估唔到加埋串燒食都幾特別
泰式牛柳同炭燒魷魚都有同樣嘅醬汁
鹹鹹辣辣嘅味道令兩款小菜嘅口感焺華
淘小姐就大推炭燒魷魚😋勁新鮮彈牙🤭
⭐️椰子雞湯
⭐️泰式肉碎明爐烏頭
雞湯入面除咗有椰子嘅味道
仲有車厘茄、秀珍菇等等
唔算太辣都幾好飲
而條烏頭我哋特登揀唔辣嘅
魚肉新鮮口感紮實
相信加辣會更加惹味
⭐️火山骨
第一次食火山骨有湯底
所以個辣度唔係太刺激
小姐都幾喜歡佢細portion
咁就可以食多啲其他嘅餸菜
⭐️蒜蓉炒椰菜苗
⭐️飛雞炒河
兩碟炒嘢都非常有鑊氣
雖然只係蒜蓉炒椰菜苗
但係佢都帶有啲鹹香嘅風味
而飛雞炒河個味道同口感都100分
河粉好似唔係平時食開嘅河粉
佢係半透明嘅河粉
吸收味道嘅能力都好強
令淘小姐回味無窮
⭐️芒果糯米飯
⭐️椰汁雪糕
⭐️芒果蜜糖吐司
食咗三款甜品🤭
熱辣辣嘅芒果糯米飯
椰汁雪糕仲有烤過嘅椰子片同鹹鹹地嘅椰汁
而芒果蜜糖吐司係即叫即制
蜜糖搽滿九宮格吐司勁滿足～
⭐️泰式莫希托
⭐️蝶舞可樂撻
⭐️夏日三彩
⭐️象啤
⭐️星霞
⭐️凍泰式咖啡
一開始嗌一三款Cocktail
酒味唔算好濃
不過解渴嘅能力十分高
傾吓傾吓又嗌多支象啤同星霞啤啤佢
開開心心又一晚
相信我哋好快都會再嚟過
🍽️ KRAPOW! 爆爆•泰菜 @krapow.hk
📍 將軍澳唐俊街 9 號 Popcorn 2, 一樓 F69 舖
