川公所 (已結業)

上個星期同朋友去咗淘大商場行街，咁就順便食埋晚飯，我哋兩個都係無辣不歡😂川菜就最啱心水，今次我哋就試吓依間川公所🥰我哋點咗三樣餸，分別係鮮青椒魚，鮮菌炒牛肉仲有燒茄子。🐟鮮青椒魚真係大推！平時食水煮魚，酸菜魚就多，青椒魚唔係咁多地方食到，呢度處理得好好，夠麻但唔會好辣，仲食到魚嘅鮮味，而且湯底唔會好油，高質。🐮鮮菌炒牛肉份量十足，炒得好有鑊氣，牛肉唔會過老，仲好嫩滑，係送飯一流嘅小菜。🍆 燒茄子夠多蒜，軟綿綿嘅茄子燒得啱啱好，我見到餐廳仲有其他串燒都好吸引，下次會再嚟試吓。 整體來講性價比高，一定有下次