金牌鴨店茶餐廳 (已結業)

前言：繼續在直通巴士站附近找吃。同行的男同事建議到隔鄰街食飯，遂走入這條酒吧和茶餐廳林立的街道上，見此店有煲仔飯和燒臘供應，遂一試。食物和評語：茶餐廳格局，食物種類繁多，點了煲仔飯、招牌燒鴨飯、油菜。 1. 金牌燒鴨飯（$28/份）：選鴨脾要加五塊錢。從點菜至上桌，前後不過三分鐘。涼涼的燒鴨脾肉，配以熱熱的白飯，一冷一熱，對比強烈。不槐係招牌鴨，放涼了仍然美味。鴨普遍少肥多肉，肉質扎實，口感清爽，不會吃得一嘴巴肥油。 2. 臘腸滑雞煲仔飯（$32/份）：正常速度，約廿分鐘上桌。煲一上桌，同事便急不及待，把蓋子打開，澆下豉油，便「起勢」用湯匙把飯從煲仔淘出。心知不妙，連焗都冇焗一焗便食，唉！果然，雖然有相當飯焦，但中間的飯是濕濕糊糊的，頗難食！幸而，雞很滑，很入味；臘腸很甘香甜美，仲好大條！結果，因為餸比飯多，而要以「招牌鴨飯」裡的白飯拌吃煲仔飯的滑雞臘腸。 3. 蠔油菜心（$14/份）：一碟約十二棵灼菜心，蠔油另上，味道一般。 4. 餐飲點了較穩陣的熱杏霜和熱好立克，夠濃味。註： a. 茶餐廳格局，環境擠迫，相當吵耳。地面微濕和有垃圾。幸而，店員動作頗爽快和俐落。