朋友叫了1 碗燒鵝瀨粉+凍奶茶.
我叫了1 碗半肥瘦叉燒瀨粉+凍檸檬茶.
2碗一齊送上, 但我碗叉燒瀨粉, 好似俾人食了一半咁, 得2 啖瀨粉, 叉燒非常瘦, 重要D叉燒係浸到白晒!!!
我即時同亞姐講: 我係柯打半肥瘦叉燒, 叫佢同我換番D叉燒,( 我都冇要求加番多D瀨粉), 點知佢攞走咗碗粉, 轉個圈返來同我講, 今日D半肥瘦叉燒巳經賣晒. 我都係度心唸, 次次黎食都有半肥瘦叉燒, 今日下午就巳經咁快賣晒! 當然啦, 賣晒都冇辦法啦!
點知食完之後, 出到門口結帳, 見到一大盆半肥瘦叉燒. 我重問師傅, D半肥瘦叉燒重熱唔熱, 師傅話燒完成幾個鐘, 你話熱唔熱? 咁即係有人落錯單, 但又唔換番俾我啦!
