泰邊爐 (已結業)

到旺角行街，如果要揾餐廳食飯，瓊華中心係一個唔錯嘅選擇，因為呢度樓上有好多間食肆；今日我個friend帶我上了9樓嘅泰邊爐食泰式火鍋。入到餐廳，感覺幾好情調喎，裝修雅緻，有點浪漫。我哋點了海鮮雞煲套餐，因為我唔太食辣，所以揀了椰子湯底。呢份套餐份量多到有點嚇人，除了雞煲外，還有安格斯牛肉，黑豚肉片，羊肉片，泰式鳳爪，生菜包，特式丸拼盤 .... 及星級海鮮拼盤(有大蝦，扇貝，帶子，生蠔，貴妃蚌，青口，蜆 ... )。椰子湯底好清甜，雞肉要食先，如果煲得耐啲肉會"鞋", 有一款自創冬蔭蝦丸好特別，鍾意飲冬蔭功湯的一定鍾意；另外海鮮拼盤好足料，加上牛肉豬肉羊肉片，上檯的都食唔晒，所以就算食完可以再加單，我哋都有心無力；不過雖然食得很飽，我仍然唔會放過甜品，食咗3件泰式糕點為這餐劃上完美句號。