影片
更多
2022-11-14
130 瀏覽
屯門三聖邨嘅海鮮街，相信大家都知道呢條海鮮街基金有壞道嘅特色，今日就嚟到呢一度嘅一間”棠記海鮮小廚”試下先，呢間棠記都係自備海鮮，然後再加工嘅一間海鮮餐館，除咗裏面，出面都有座位，好有港式風味，而佢哋裏面嘅枱主要係卡座同圓枱，一大班好友聚餐都得，除咗海鮮自備之外，佢哋都有唔同款式嘅小菜同開胃啤酒小菜揀，我哋就嗌咗有兩款小菜，同埋喺出面買咗兩款海鮮小菜包括有必食嘅🍍菠蘿咕嚕肉 $138 :佢係有原隻嘅¼菠蘿做擺設之餘，令到賣相更有特色，菠蘿非常鮮甜，少少酸都冇，食落非常開胃，又夠新鮮，另外主角嘅咕嚕肉份量都唔少，每一件都好厚肉，幾乎冇乜脂肪，肉質夠嫩，食落啖啖肉，甜酸汁調教到剛剛好，唔會過酸👍🏻👍🏻另外一份係椒絲腐乳炒生菜 $88:之後就係🦞海鮮啦，佢地海鮮加工費係段斤計，為$75一斤，我地買左兩隻超大賴尿蝦同埋蜆，椒鹽賴尿蝦就食得多，呢一個嘅做法仲未食過，佢係簡稱叫油鹽水賴尿蝦，相信係聽個名都知佢裏面有啲咩，佢只係用呢幾種材料嚟做調味，底層粉絲面層賴尿蝦再拎去製，雖然冇椒鹽咁香口，呢款健康之餘仲可以食出賴尿蝦嘅鮮味，佢哋嘅煮法突出賴尿蝦嘅精髓，火候都要控制得啱啱好先可以令到賴尿蝦肉質彈
小菜包括有必食嘅🍍菠蘿咕嚕肉 $138 :佢係有原隻嘅¼菠蘿做擺設之餘，令到賣相更有特色，菠蘿非常鮮甜，少少酸都冇，食落非常開胃，又夠新鮮，另外主角嘅咕嚕肉份量都唔少，每一件都好厚肉，幾乎冇乜脂肪，肉質夠嫩，食落啖啖肉，甜酸汁調教到剛剛好，唔會過酸👍🏻👍🏻
另外一份係椒絲腐乳炒生菜 $88:
之後就係🦞海鮮啦，佢地海鮮加工費係段斤計，為$75一斤，我地買左兩隻超大賴尿蝦同埋蜆，椒鹽賴尿蝦就食得多，呢一個嘅做法仲未食過，佢係簡稱叫油鹽水賴尿蝦，相信係聽個名都知佢裏面有啲咩，佢只係用呢幾種材料嚟做調味，底層粉絲面層賴尿蝦再拎去製，雖然冇椒鹽咁香口，呢款健康之餘仲可以食出賴尿蝦嘅鮮味，佢哋嘅煮法突出賴尿蝦嘅精髓，火候都要控制得啱啱好先可以令到賴尿蝦肉質彈口👍🏻👍🏻
另外一份係🐚豉椒炒蜆，相信呢一味個個都會有食過，要炒到將啲蜆開晒口都要好講技巧，豉椒炒蜆裏面有三色椒同豆豉，佢哋再加左洋蔥，令到賣相七彩繽紛之餘，味道都非常出色，蜆肉好新鮮，吸收晒配料嘅味道，令到蜆肉非常入味，唔錯唔錯😋😋
至於lunch時段，佢哋有推出午市特餐，最貴都係$55一份有交易，仲要送老火湯，所以就算唔係食海鮮嘅你哋，lunch不妨喺呢度食個晏😆😆
張貼
